28 oktyabr 2021-ci il tarixdə Ağdam rayon İmamqulubəyli kənd tam orta məktəbinin müəllim və şagirdləri, Ağdam rayon Heydər Əliyev Mərkəzində olmuşlar. Ağdam rayon Heydər Əliyev Mərkəzinin  Fond mühafizi Elçin Cəfərov, ekskursiyaya gələn müəllim və şagirdlərə 44 günlük Vətən müharibəsi zamanı düşmən tapdağından azad olmuş rayonlarımızda yerləşən tarixi abidələr haqqında geniş məlumat vermişdir. Şagirdlər düşmən tərəfindən dağıdılmış, yaxud qeyri-qanuni bərpa işləri aparılaraq, erməniləşdirilməyə çalışılmış abidələrlə tanış olmuş, bu mövzuda müxtəlif suallar vermiş, onların sualları Elçin Cəfərov tərəfindən ətraflı şəkildə cavablandırılmışdır.