01.11.2021
01 noyabr 2021-ci il tarixdə, Ağdam rayon Ayaz Abbasov adına Qaradağlı kənd tam orta məktəbinin 8b sinfinin şagirdlərinin Ağcabədi Regional Mədəniyyət İdarəsi Ağdam rayon Tarix-Diyarşünaslıq Muzeyinə ekskursiyası təşkil edildi. Əvvəlcə, şəhidlərimizin əziz xatirəsi bir dəqiqəlik sükutla yad edildi, sonra muzeyin direktoru Ülvi Qədirov şagirdlərə muzeyin yaranma tarixindən, tarixi eksponatlardan, 44 günlük Vətən müharibəsi zamanı ermənilər tərəfindən ərazilərimizə atılan qadağan olunmuş silah sursatlar haqqında geniş məlumat verdi. Məktəbin müəllimlərinin iştirakı ilə, şagirdlərə zəfər tariximiz haqqında ətraflı məlumat verildi. Sonda xatirə şəkilləri çəkildi və məktəbin təşkilatçısı Təranə Mirzəyeva muzeyin rəy kitabına xoş təəssüratlarını qeyd etdi.