06.11.2021
06 Noyabr 2021-ci il tarixdə Ağdam rayon Sultanbud kənd tam orta məktəbinin müəllim və şagirdləri, Ağdam rayon Heydər Əliyev Mərkəzində olmuşlar. Ekskursiya zamanı Mərkəzin bələdçisi Yunis İbrahimov, qonaqları Ulu Öndər Heydər Əliyevin zəngin və mənalı ömür yolunu əks etdirən fotoşəkillər və sənədlərlə tanış etmiş, onlara Ulu Öndərin sovet və müstəqillik dövrlərində bölgələrimizə səfərləri, zəhmətkeşlərlə görüşməsi və apardığı sosial-iqtisadi siyasət haqqında məlumat vermiş, Azərbaycan Respublikasının Prezidenti cənab İlham Əliyevin Ağdam rayonuna səfərləri zamanı çəkilmiş fotoşəkillərlə tanış etmişdir. Həmçinin, qonaqlara erməni işğalından azad edilən bölgələrimizdəki tarixi-mədəni abidələrimiz haqqında da məlumat verilmişdir.