10.11.2021
10 Noyabr 2021-ci il tarixdə Ağdam rayon Səfərli kənd tam orta məktəbinin müəllim və şagirdləri, Ağdam rayon Heydər Əliyev Mərkəzinə ekskursiya etdilər. Ekskursiya zamanı Mərkəzin bələdçisi Yunis İbrahimov, qonaqları Ulu Öndər Heydər Əliyevin zəngin və mənalı ömür yolunu əks etdirən fotoşəkillər və sənədlərlə tanış etmiş, onlara Ulu Öndərin sovet və müstəqillik dövrlərində bölgələrimizə səfərləri, zəhmətkeşlərlə görüşməsi və apardığı sosial-iqtisadi siyasət haqqında məlumat vermiş, Azərbaycan Respublikasının Prezidenti cənab İlham Əliyevin Ağdam rayonuna səfərləri zamanı çəkilmiş fotoşəkillərlə tanış etmişdir. Daha sonra qonaqlar, işğaldan azad edilmiş bölgələrimizdə yerləşən tarixi abidələrimizlə tanış edilmiş, onlara mənfur qonşumuz ermənilərin tariximizə qarşı etdikləri vəhşiliklər haqda ətraflı məlumat verilmişdir.