23.11.2021
23 Noyabr 2021-ci il tarixdə Ağcabədi Regional Mədəniyyət İdarəsi Ağdam rayon Heydər Əliyev Mərkəzi və Ağdam rayon Gənclərin İnkişaf və Karyera Mərkəzinin birgə təşkilatçılığı ilə, Heydər Əliyev Mərkəzinin əməkdaşları və Gənclərin İnkişaf Karyera Mərkəzinin könüllüləri, Ağcabədi Regional Mədəniyyət İdarəsi Ağdam rayon Tarix-Diyarşünaslıq Muzeyinə ekskursiya etdilər. Ekskursiya zamanı muzeyin direktoru Ülvi Qədirov muzeyin yaranma tarixindən, tarixi eksponatlardan, 44 günlük Vətən müharibəsi zamanı ermənilər tərəfindən ərazilərimizə atılan qadağan olunmuş silah-sursatlar haqqında geniş məlumat verdi. Muzeydə xatirə şəkilləri çəkildi, qonaqlar muzeyin rəy kitabına öz fikirlərini yazdılar. Daha sonra Qaradağlı kənd Mədəniyyət evinin müdiri Zənurə Mirzəyeva, ekskursiyaya gələn qonaqları ölkəmizin ərazi bütövlüyü uğrunda həlak olmuş şəhidlərimizin xatirəsinə Qaradağlı kənd Mədəniyyət evində yaradılmış guşə ilə tanış etdi.