09.12.2021
9 dekabr 2021-ci il tarixdə Ağcabədi Regional Mədəniyyət İdarəsi Ağdam rayon Mədəniyyət Mərkəzinin tabeliyində fəaliyyət göstərən Qaradağlı kənd Mədəniyyət evinin, Ağdam rayon Tarix Diyarşünaslıq muzeyinin və Ağdam rayon MKS-İNİN 5 saylı Qaradağlı kənd kitabxanasının əməkdaşlarının birgə təşkilatçılığı ilə, Qaradağlı kənd Mədəniyyət evində 12 dekabr Ümummili Lider Heydər Əliyevin anım günü ilə əlaqədar "Əbədiyaşar Lider" mövzusunda tədbir keçirildi. Tədbirdə Qaradağlı kənd tam orta məktəbin müəllim və şagird kollektivi də iştirak etdi. İlk öncə Ulu Öndər Heydər Əliyevin xatirəsi bir dəqiqəlik sükutla yad edildi. Sonra Azərbaycan Respublikasının Dövlət himni səsləndirildi. Daha sonra Qaradağlı kənd Mədəniyyət evinin müdiri Zənurə Mirzəyeva, Ağdam rayon Tarix-Diyarşünaslıq Muzeyinin direktoru Ülvi Qədirov, MKS-nin 5saylı Qaradağlı kənd kitabxanasının müdiri İradə Qasımova və Qaradağlı kənd tam orta məktəbinin müəllimi Yaqut Məmmədova çıxış edərək, Ulu Öndər Heydər Əliyev haqqında məlumat verdilər. Onlar bildirdilər ki, 12 dekabr Azərbaycan Xalqının Ümummili lideri, böyük dövlət xadimi Heydər Əliyevin anım günüdür.Azərbaycan xalqı, Ulu Öndər Heydər Əliyevin əziz xatirəsini böyük ehtiramla və minnətdarlıqla yad edir. Ümumiyyətlə, Ümummilli liderin Azərbaycan Dövləti və xalqı qarşısındakı tarixi xidmətləri, onun fəaliyyətinin bütün mərhələlərini əhatə edir. Ulu Öndər vaxtilə söylədiyi "Heç kəsin şübhəsi olmasın ki, ömrünün bundan sonrakı hissəsini harda olursa-olsun, yalnız və yalnız Azərbaycan Respublikasının müstəqil dövlət kimi inkişaf etməsinə həsr edəcəyəm" kəlamı, bu gün də xalqımız tərəfindən qürurla xatırlanır. Azərbaycanın milli iqtisadiyyatının formalaşmasında Heydər Əliyevin xidmətləri misilsizdir. Ulu Öndər, ölkəmizin gələcək inkişaf kursunu böyük uzaqgörənliklə ifadə etmişdir. Belə bir şəraitdə dahi şəxsiyyət, bütün həyatını xalqına və Azərbaycanın müstəqil dövlət quruculuğuna həsr etmiş Heydər Əliyevin hakimiyyətə qayıtması ilə, bütün sahələrdə olduğu kimi, ölkəmizin iqtisadi həyatında da öz dəyişikliklərinin əsasını qoydu. Azərbaycanın bu günki uğurları, məhz Heydər Əliyev siyasətinin layiqincə davam etdirilirilməsinin məntiqli nəticəsidir. Azərbaycan Respublikasının Prezidenti Cənab İlham Əliyevin qeyd etdiyi kimi, Heydər Əliyev bütün zamanlarda, bütün dövrlərdə Azərbaycan xalqına ləyaqətlə xidmət etmişdir. Bu gün Heydər Əliyev bizimlə deyil, ancaq onun siyasəti davam etdirilir, onun siyasəti yaşayır və müstəqil Azərbaycanı yaşadır. Sonda məktəbin şagirdləri Ulu Öndər Heydər Əliyevə aid şeirlər söylədilər.