Ağcabədi rayon Mərkəzi kitabxanasında "Bacarıqlı əllər" dərnəyi fəaliyyət göstərir. Uşaqlar hər həftənin II və V günləri sənətin incəlikləri ilə tanış olur, daima gözəllik axtarışında olur,uşaq yaşlarından artıq rənglərin xarakterləri ilə tanış olurlar. Yeni yaradıcılıq meylləri artır, təbiətlə ünsiyyətdə olur, virtual həyatdan ayrılıb reallığa qayıdırlar. Qrupda uşaqlar rəngkarlığın müxtəlif çalarları: qrafika, rəngli boya, sulu boya, yağlı boya, rəngli karandaş, qarışıq texnika, vitraj və s. texnikası üzrə inkişaf etdirilirlər.