22 fevral 2019-cu il tarixində Ağcabədi rayon Tarix –Diyarşunaslıq Muzeyində “ XOCALI HARAYI “ adlı tədbir keçirilmişdir. Ağcabədi Rayon Tarix-Diyarşunaslıq Muzeyi, Ağcabədi MKS və Ağcabədi rayon M.Əsədov adına 5 saylı tam orta məktəbinin birgə təşkil etdiyi tədbirdə Xocalı faciəsini əks etdirən kitablardanvə fotolordan ibarət sərgi nümayiş etdirilmiş, məruzələr oxunmuş, muzeyin direktoru Sadiq Əliyev , məktəbin müəllimləri Nübar Nəsirova, Sevil Bayramova və Ağcabədi MKS-in müdir müavini Təranə Məmmədova çıxış edərək, Xocalıda körpələrə, qocalara, qadınlara divan tutulduğunu, amansız və ağılasığmaz işgəncələr verildiyini, misli görünməyən təcavüz həyata keçirildiyini bildirdilər. Tədbirdə məktəbin şagirdlərinin ifasında şeirlər və kompazisiyalar dinlənilmişdir. Sonda Xocalı faciəsinə həsr olunmuş “Xocalı əsrin faciəsidir” adlı video çarx izlənilmişdir.